Mizaan lam ih kan thanawk zo mi Kalay-Tamu lamzinpi par ih um mi SAC ralhrang pawl ih tirhfung palik camp cu mipi ralkap Natioanal Libreration Army (NLA) pawl in an la.
March ni 24 zinglam nazi 7:20 hrawngah ralhrang pawl ih palik camp cu an va do ih minute 45 sung kaphnih kahawknak a suak. Cutiih an kahawknak hnu in SAC tirhfung pawl cun an camp an suah san tiah an sim. Hi doawknak cu NLA ralkap in မင်းခေါင် hohanak thawn an do mi a si ih, Operation hmin ah ဘုတ်ငှက် operation tin ko in palik camp an lak mi a si.
“ဘုတ်ငှက် timi cu ဘုက္ကန် hmin kan put ter mi a si. NLA cun SAC ralhrang pawl hnen ihsin kut zungpi nam khat te kan ngah khal asile kan ngah zat in kan do ding” tiah NLA ih spoke person သျှောင်တစောင်း in a sim.
Hi palik camp ihsin meithal phunphun zuun 15, cerek phunphun 2,269, cerek bawm phunphun 16, Bomb phunphun 5, Fei 2, Namsau pakhat, biakawknak 7, kut khih 2 le palik thilri, thuam hnaw phunphun an lak sak” tiah NLA in an thusuah mi ah an tarlang.
National Liberation Army pawl cun SAC ralhrang pawl ih tirhfuang ziangvek pawlkom khal asile nasa tak in an dosuak vivo ding thu le ziangvek thuneihnak latu pawl khal a hram ihsin an cimit vivo ding thu theih ternak an tuah.
