 China President Xi Jing Pin le Russia President Vladimir Putin tei pahnih tu hrawng hi Sai ruh deng kiak thei ding khop in awkam an hmangih China le Russia karlak pehtlaihawknak ti cing peng dingih a zuam tu hmuahhmuah cu EU ram in sunloih thlak an si tiah EU ramleng palai Joseph Borrell in a sim.
 President Emmanuel Macron ih pinsin laknak caan an tthan mi thawn thawn pehpar in ramsungah duhphorhnak in buainak a suah ruangah British Singpahrang Charles cu hmaizarh sung France ram a khualtlawnnak a tthulh sal.
 Northu Korea in Nuclear phur thei mi tisung hman mi drone thar pakhat an hmang sin zo tiah North Korea ram hrambun thuthang pawl in an tarlang.
 Ukraine ram an do raungah Russia cun an thu tiam vek in India hrang poi mawh zet mi van ral khamnak an pe suak thei nawn lo tiah India ralkap in an tong suak.
 India Congress Party hotu luban Rahul Gandi in India Prime Minister Modi dik lo zet in mual pho ter a tum timi puh mawh in India Hluttaw cun Rahul Gandi cu hluttaw ihsin an hnawh. Dinglai acozah dotu Congress party hrang sungralnak pi pakhat tluk a si.
 Russia in Myanmar ralhrang hotu pawl dunglam ihsin an din pinak hi cosan a theih lo ih, buainak meisa alh cu mit tum lo in alh sinsin dingih tuah thawn an bangaw tiah American ramleng palai zungih thurun upa Derrick in a sim.
 Russia cun Ukraine ramsungih a lak sak mi ram cu ral um lonak, hmun pakhat ih tuah dingah a bei sei ih, ral um lonak hmun ih kan tuah thei lo ceng a si le Ukraine ramsung tiang kan luh bet a tul ding tiah Putin ih a mi rin san President hlun Dimitri Medvedev in a sim.
 Sweden, Norway, Finland le Danmark air force ralbawi pawl cu Russia ral kham theinak dingah lungrual zet in The Nodes Wind Protection System din in hmin an khen tlang.
 Syria ram ih American ralkap, a ram mi pawl do an tuar mi phuba laknak ah American in vanzam thawn bomb a thlak hnu, Iran ram ih som dawl mi ralthuam kai misual pawl in hlapi kahnak missile kan nei tiah online ihsin hro an suang aw.
 Malaysia Prime Minister hlun The Great Theatre Mohammed in Malay miphun pawl ih an duh zet mi, puai pakhat Prime Minister Anwar Ibrahim cu thuneihnak latu tiin a tong san.
 May thla sungih tuah dingmi Thailand ram hrihawknak a thlen hlante ah, tui Thailand Prime Minister Prayuth Chan Ochai mipi pawl ih dinpinak cazin an lak mi ah a mah dinpi tu theih theih zet in an ttum suk.
 Russia Ziinan man an bi khiah sak hnu Russia cu China ram ih Ziinan zuar tam biktu ah suak. 2023 kum thla hnih sungah Saudi Aribia lan ih China hnenih zii nan zuar tam bik tu a si thlang.
 Japan Prime Minister Fumiochida Ukraine ram a feh hnu in Russia ram ih bomb phurtu vanzam pahnih Japhan ti kulh par ah nazi pahnih sung rei in an zam.
 Birtish ram in Ukraine ralkap pawl hrang thazang a nem mi Uranium tel mi Tank kahnak an bawm asile Mosco ih lehrulnak an tuar ding ding tiah Russia President Vladimir Putin in ralrinnak a pe.
 Uganda hluttaw daw cun an ram sung LGBTQ ih hminsin mipawl hrem theinak ding daan thar an tuah mi cu kan dung zarh tlawngkai ni hnih ah nem hngetnak an nei.
 TikTok company cu China ram lungawi dingih an tuah lo ding vek in American ramsung tiktok hmangtu pawl ih thu le hla khal China acozah hnenih an pek lo ding thu TikTok CEO in a sim.
 Russia ram ih an lak mi Crimea tikulh sung ih Jiangkui khawpi kiang puak mi ruangah Russia pawl ih missile ralthuam pawl a siat tiah Ukraine humhimnak zungin an sim.
 Russia president Vladimir Putin in Ukraine thawn an karlak buainak China ram ih khaw khawnnak in relremnak an neih ding a cosan thu China President Xi Jing Pin Russia ramih ni 3 sung a khual tlawnnak ah a rel.
 Russia ramri nornak ruangih Ukraine ramsung a siat mipawl dundin salnak hrang kum 10 a rei dingih, American dollar billion 411 tiang cem liam a tul ding tiah World Bank in an tarlang.
 Israel ramsung mipi pawl cun Prime Minister Benjamin Netayahu ih daan thar a thleng dang lam mipawl do kalhnak ah ramsung hmun tin ihsin duhphorhnak a suak.