Sagaing ramthen, Tamu peng, A hlaw khawuk, Aye chian khua ih nau hak 3 pawl cu ralthuampi pakhat lehnak ih an hman lai ah rin lopin a puak ruangih kum 9 mi nauhak Ngan Gao Mang a thi tiah Zalen Media in a tarlang.
Thil thlen dan cu March ni 17 ah khua ihsin Caw khal dingih a fehtu nauhak 3 cu an Caw khalhnak Loo sungah SAC ralhrang pawl ih an kah mi, a puak hrih lo mi 40 mm cu hmun in, an sar hnu, lehnak ah hmangin, rin lopin puak in nauhak pahnih an Ke ah hriam an ngah ih, pakhat cu a pum thlek ko hriam a ngah ih, Kalay Zatlang siizung ah phurh a si nan a zaanlam ah a thi tin Zalen media in a tarlang.
A thi tu nau hak cu Kam Gao Mang si in, a pa cu Pathian thuthang simtu pakhat a si. Tualsung mipawl ih an simnak vek asile SAC ralhrang pawl cu a liam cia zarh khat hrawngah ရေအေး ရေနန်း lam ah ralhrang pawl in ramri an nor ih doawknak um lo in 40 mm, meithal tawngpawng an kap ih 40 mm a puak hrih lo mi an tanta mi cu ziang thei thiam lo nauhak pawl in sar in lehnak ih an hmannak in a tuvek ih thil a thlengmi a si tiah an sim.
