Doawk a sosangnak Sagaing ramthen, Tamu peng, ကွန်းတောင်း khaw kiangah mino pahnih Naam hriam hma thawn thi cia in hmuh an si ih zo an si ti an theih fiang hrih lo tiah tualsung mipawl in an sim.
ကွန်းတောင် khaw kiang, tiva kap ih Naam hriam hma thawn a thi cia mi mipa pahnih ruak cu mani sun March ni 22 ah an hmuh mi a si.
“An ruak pawl cu zinglam ih hmuh an si. A thi tupawl hi zo an si ti, theih a si hrih lo. Thil pakhat danglam um mi cu tufang hi SAC ralhrang pawl in ralkap thar, kawh mi an nei. Khuinah ih minung an si ti cu kan thei lo. an mai sung ihsin a thi mi teh an si pei maw. Maw! Thah an tuar si pei ding kan thei lo” tiah tualsung mi pakhat ih a sim thu Spring Revolutin in a tarlang.
ကွန်းတောင်း khua ah SAC ralhrang le palik, ပျူစောထီး pawl in um hmun an khuar ih, tu hrawng hi SAC ralhrang pawl in mithar an hruai lai hmuh ding a um phahphah tiah tualsung mipawl in an sim.
ကွန်းတောင်း khua ih ttan hmun khuar tu SAC ralhrang, palik le ပျူစောထီး pawl cu mipi ralkap tangrual pawl in tu le tu an va kap. March ni 14 doawknak khal ah ပျူစောထီး hruaitu pakhat a thi. March ni 17 ih doawknak ahcun mipi ralkap tangrual pawl lak ihsin All Brumes Student Democratic Front (ABSDF) ih ralkap pakhat a nun a thap.