SAC ralhrang hotu mi depde/mi hrokhrol MAH Sagaing ramthen, Monywa khawpi ih a um sung, khawsung kilhimnak laksak tupawl do an tong ih ralhrang minung 8 an thi tiah Monywa mipi ralkap Chindwin Attack Force ih spoke person in a sim.
Hi ralhrang ramri nortu pawl cu ဝက်လက် in အရာတော် lam feh dingih lilawn an zawh lai an do mi a si. March ni 24 zaan nazi 6 hrawngah ဝက်လက် le အရာတော် karlak ih သမရိုး lilawn zawh rero tu SAC ralhrang pawl cu ralthuampi, le meithal thawn karlak ih an do thu Chindwin Attack Force thuthang suahtu pawl in an sim.
Doawknak nazi 1 lenglo sungah ralthuampi, meithal pawl thawn an kap ih SAC ralhrang minung 8 thi in, minung 17 hnak ih mal lo in hriam an ngah tiah theih a si.
“Mi hrokhrol MAH Monywa a rat lai a mah kilhimnak lak sak tu ရွှေဘို ih SAC battalion minung 300 hrawng an si ding. 200 pawl cu ရွှေပန်းကုံး khua ah an thleng zo. Tui kan kah mi cu minung 100 hrawng an si ding. သမရိုး Lilawn par an zawh lai ah kan do. Himi lilawn cu အရာတော် peng le ၀က်လက် peng pehtlaihtu bik Lilawn a si” tiah anih cun a sim.
Hi doawknak cu Monwya distric mipi ralkap Chindwin Attack Force B-3, brigade 3 ဂဠုန်နက် PDF ၊ 9-One PDF ၊ ယက္ခညီနောင် (LPDF) ၊ တိုက်နယ် 6 (ပကဖ) ၊ အောင်စစ်သည် မြွေပွေး (LPDF) ၊ AK 2 (ပကဖ) ၊ ဒေါင်းညီနောင် (LPDF) ၊ Danger (ပကဖ) ၊ GENERATION DEFENCE FORCE AYADAW (ပကဖ) ၊ တာနော (ပကဖ) pawl tangkhawm ih an do mi a si.
SAC ralhrang hotu mi depde MAH Monywa a thlen ni March ni 21 le ni 22 pawl khal ah tualsung mipi ralkap tangrual pawl in ralhrang pawl ih motor tlar cu bomb dirh puahnak, Myanmar Nitlaksak lam ralhrang hmumpi နမခ sung khal ah ralthuampi thawn an kap tiah theih a si.
