More
    HomePolitics NewsRalkap council hnen ih Surrender awtu mi 5 pawl lakah NLD hluttaw...

    Ralkap council hnen ih Surrender awtu mi 5 pawl lakah NLD hluttaw palai pakhat khal a telve

    Published on

    ဧရာ၀တီ ramṭhen ကျုံပျော် khawpi ah July 21 sun ah khan Ralkap council ih tuahmi PDF 5 surrender awtu pawl hmuaknak khawmpi ah NLD party ih ငပုတော peng Ramṭhen hluttaw palai ဦးသက်ပိုင်စိုး khal a telve ih thukamnak hminkhen a tuah tiah pengkulh ralkap council thawn naivai pawl hnen ihsin theih a si.

    NLD hluttaw palai ဦးသက်ပိုင်စိုး hi PDF cu a si lo, asinan ကျုံပျော် ah midang pawl thawn cawkrawi in cangvaihnak neitu a si ruangah surrender aw dinhmun in hmin a khen ih surrender cazin ah an ngankhum mi a si. Ralkap council lam cun check felnak khal an nei zo, lehhnu lam ahcun ralkap council dodalnak pawl ka tuah nawn hrimhrim lo ding asi timi thukamawknak hminkhen khal a khen tiah ကျုံပျော် peng ralkap thawn naivai pawl cun an sim.

    ကျုံပျော် khawpi ah Ralkap council hnen ih surrender awtu mipum 5 pawl khal PDF sungtel cu an si lo, Ralkap council in kai dingin warrant an rak suahmi mi 4 pawl le PDF pawl bawm ruangih rak tlan vetu ralkap pakaht tipawl an si tiah palik thawn naivai pawl khalin an sim ve. Ralkap council hnen ih surrender awtu NLD party hluttaw palai ဦးသက်ပိုင်စိုး cu ralkap in rampi thuneihnak an lak pek ah khan lamzawh duhphawrhnak ih a rak tel ruangah Section 505 in thubuai an tuahsak ih kai dingin warrant an suah hnu ငပုတော pengih a relhnak a rei zet thlang tiah tualsung mi pawl cun an sim. 

    Kan dung April 23 ah khan Ralkap council hriamkai pawl cu NLD party hluttaw palai ဦးသက်ပိုင်စိုး tei’ umnak ငပုတော peng ကညင်ချောင်း khua cu an luhcilh ih ဦးသက်ပိုင်စိုး ih nupi siseh thla 10 mi naute telin mi 6 an rak kai, cuhnu zarh khat hrawng a rei hnu ah an thlah thluhsal tiah theih a si. ဦးသက်ပိုင်စိုး cu ralkap council in a sungkua pawl an thlah zalen salnak thla 3 lai a rei hnu ah tuvekin Ralkap council kut ah surrender aw in Ralkap dokalh zawng hrimhrim in ka cangvai nawn lo ding tiah hminkhen in thukamnak a rak neihmi a si.

    Hivekin NLD party hluttaw palai pakhat Ralkap council hnen ah surrender in thukamnak tiang hminkhen a tuahmi parah dothlengnak tuahtu mipi cun an mawhthluk nasa tiah Ayeyarwaddy Times cun a tarlang.

     

    Latest articles

    Kareni ramsung zatek 60 cu Kareni ralkap (KNDF) in an uk zo tiah KNDF hotu in a sim

    ▪︎ralhrang pawl zatek 20, a tangmi zatek 20 cu zohman ih humhual lo mi...

    ပင်လောင်း le ဖယ်ခုံ ramri, thla khat sungah ralhrang minung 200 lenglo an thi ih, minung 100 hnak ih mal lo in hriam an tuar

    Shan ramkulh thlanglam, ပင်လောင်း peng le ဖယ်ခုံ peng ramri, thla khat sung SAC ralhrang...

    ဆော peng စံ khua doawknak ah SAC ralhrang thi hlo an tam, vanzam thawn an kah bawm aw

    Magui ramthen, Saw peng, စံ khaw kiangah SAC ralhrang pawl le mipi ralkap (PDF)...

    မယ်ခါးထာ camp doawknak ah ralhrang minung 16 an thi, minung 7 hria an ngah

    မာနယ်ပေလော a tlak hnu, SAC ralhrang pawl hmun hnget ih an tonak Tanlun tipi...

    More like this

    Kareni ramsung zatek 60 cu Kareni ralkap (KNDF) in an uk zo tiah KNDF hotu in a sim

    ▪︎ralhrang pawl zatek 20, a tangmi zatek 20 cu zohman ih humhual lo mi...

    ပင်လောင်း le ဖယ်ခုံ ramri, thla khat sungah ralhrang minung 200 lenglo an thi ih, minung 100 hnak ih mal lo in hriam an tuar

    Shan ramkulh thlanglam, ပင်လောင်း peng le ဖယ်ခုံ peng ramri, thla khat sung SAC ralhrang...

    ဆော peng စံ khua doawknak ah SAC ralhrang thi hlo an tam, vanzam thawn an kah bawm aw

    Magui ramthen, Saw peng, စံ khaw kiangah SAC ralhrang pawl le mipi ralkap (PDF)...