SAC ralhrang pawl ramleng ih dollar million a teltel ih kuat sak tu မင်းတေဇညွှန့်တင် timi kan that fel tiah Urban Owls khawsung cangvaitu pawl in an sim.
Tuini March ni 24 zaanlam nazi pakhat hrawngah သန်လျင် peng ah Urban Owls khawsung cangvaitu pawl in မင်းတေဇညွှန့်တင် timi pa cu naite ih an phil hlo thu hi pawlkom in an sim.
မင်းတေဇညွန့်တင် cu India, Thailand, Singapore, vitnem le Canbodia pawl ah daan lam ruahnak petu company din in, sumpai pawl, ti cing pengnak, Condo le leiram sumtuahnak company tuah in ralhrang pawl thawn pehpar mipawl hrang an company in dollar million tel in sum an kuat sak timi an zingzoi suak thu Urban Owls pawl in an sim.
An nih cun “Tufang ah ထားဝယ် pursum leilawnnak zone ih daan lam committee sungtel pakhat a si. Anih cu mipi pawl par ih rapthlak tak in nitin bomb thla rero tu ralhrang pawl ih van ralkap bawi hlun General မြတ်ဟိန်း (Tui USDP party ih hotu sang) thawn nel aw zet tu pakhat a si” tiah an sim.
Cuitlunah van ralkap lubik le an sungkua tel in ralhrang hotu pawl, SAC ralhrang pawl thawn pehtlaihnak neitu pawl ih an neih mi thil le ri pawl hremnak an pek rero lai ah, an neih mi thil ri sumpai pawl ram lengih kuat sak rero tu khal a si tiah an sim.
Hivek ih thahawknak a thlen ruangah SAC ralhrang pawl in ရန်ကုန် le သန်လျင် pehthlaihnak Lilawn pahnih cu an khar ih, khualtlawng motor le motor dang tampi lilawn lan thei lo in an tang theh thu theih a si.
