Chin ramkulh, Paletwa pengsungih eiin, thil le ri an phurh awknak bik lamzin a si mi Paletwa-Kyauhdaw, Kalatan tidai zin cu SAC ralhrang pawl in fek zet ih an kil raungah Fangcang tel in, thilri dang pawl khal ralhrang pawl thawn hnamhnoh mi lo cun phurh luh ding an bi khiah lai thu theih a si.
Facang le eiin thilri phurh theinak an bi khiah ruangah Paletwa pengsungih thilri man nasa ten a kai vivo ih, Paletwa, Sami, SingSiin, Mikwa pawl ih raltlan mipi tel in tualsung mipawl in harsatnak an tong tiah Zalen media in a tarlang.
Himi tidai lamzin cu SAC ralhrang pawl ih an neih mi Lawng pakhat lawng feh sian a si ih, mipi neih mi, Lawng, motor lawng feh an siannak khal an bi khiah sak bet ruangah ralhrang pawl hnamhnoih tu lawngin bi khiah um lo in Fangcang, eiin, thil le ri thiar le (phurh) theinak an nei ih mipi pawl hnenah ahcun thilri an zuar sal tik ah Van daw dai in, a man tthan ih an an zuar thu theih a si.
Cuihleiah SAC ralhrang pawl ih check gate a si mi 289 gate, Mikwa gate pawl ah SAC ralhrang pawl in khual tlawng mipi veivak pawl an ID Card an zoh sak hnu, Kum 18 kim zo ih a thleng lo tupawl hnenah chawh kuan 5000 in 10000 tiang an kuan ter.