Nuclear ralthuam thawn pehpar in President Putin tel in Russia acozah hruaitu luban pawl in mi hringhro in an tongsuak rero nan a tak ahcun Nuclear ralkap sungah zianghman cangvaihnak an neih mi hmuh ding a um lo tiah NATO tangrual pawl in March ni 26 ah thu an suah.
Nuclear ralthuam thuthawn pehpar in Russia acozah hruaitu pawl an awkam tih a nung zet nan mai hnatuan hman hlen lo an si ti khal in NATO pawlkom ih spoke person Ona Lanchescu in a sim. Russia Nuclear ralkap pawl ih thlengawknak le an cangvaihnak pawl cu NATO ralkap pawl in nai ten an zoh ringring ih tu tiang an cangvaihnak zianghman hmuh ding a um hrih lo tiah a sim.
Russia Nuclear ralkap pawl thlenggawk cangvaihnak an neih asile an cangvaih dan ih zir in Nuclear ralkap pawl khal in cangvaihnak an nei ve ding tiah Ona Lanchescu in a sim. NATO sungtel ram pawl ih kilhimnak hrang tuanvo an lak theh thu khal Ona Lanchescu in a sim.
