Daw Aung San Sukyi ih kaihruai mi NLD party a hlon tu SAC ralhrang pawl ih thil ti dan hi Myanmar ramsung buainak cingfelnak lam ah a ti harsa sinsin ding tiah Japan acozah cun an ngia dan thu an suah.
NLD cu ramkhel thu ihsin an suah bet ruangah Myanmar ram sungih buainak pawl cingfelnak lam ah a ti har sinsin ter ding tiah Japan acozah in an sim. Japan acozah cun Myanmar ramsungih buinak pawl cu remdaihnak lam in cingfel dingah SAC ralhrnag pawl forfialnak a nei ringring tiah Japan ramleng palai zungih an thusuah mi ah an tarlang.
Kaih khih a tongtu Daw Aung San Sukyi tel in NLD hruaitu pawl cu a rang thei bin in suah dingin le rampi buainak ih a pehpar mi hmuahhmuah tel kim in, ramsung buainak cingfel dingah Japan acozah cun ralhrang pawl an forhfial.
Cuihleiah SAC ralhrang pawl in doawknak nasa sinsin in mipi pawl par an tuah ding khal Japan cun a rak Phan sak ih, rapthlak le nungrawng zet ih cangvaihnak pawl, cawl ding khal in Myanmar SAC ralhrang pawl forhfialnak an nei.
