Mizansun July 22 le Tihnisun July 21, ni 2 sung Myanmar ramsung ralbuai ih doawknak ah Kawl ralkap 191 an thi tiah tualsung media le tualsung hriamkai pawlih thusuah mi sirhsan in theih a si. Cui’ ni 2 sung an doawknak hmun le Kawl ralkap mithi pawl dinhmun cu;

July 21 sun ah khan Sagaing ramṭhen Chinram Kalay pengah Ralkap 12, Mandalay ramṭhen Natogyi pengah Ralkap 3, Mandalay ramṭhen Minchian pengah Ralkap 2, Magway ramṭhen Poh pengah Ralkap 10, Shan ramkulh le Karenni ramkulh ramri ih doawknak ah Ralkap 9, Magway ramṭhen Minbu district ah Ralkap 33, Sagaing ramṭhen Chaung U pengah Ralkap 14, Karen ramkulh Tan Taung pengah Ralkap 25 tipawl an si.

Cun mizansun July 22 ih doawknak hmun pawl cu Sagaing ramṭhen Khin U pengah Ralkap 46, Sagaing ramṭhen Chinram Kalay pengah Ralkap 15, Sagaing ramṭhen thotho Yi U pengah Ralkap 2, Karenni ramkulh Prosu pengah Ralkap 4, Magway ramṭhen Sikphyu pengah Ralkap 5, Mandalay ramṭhen Minchian pengah Ralkap 9, Sagaing ramṭhen Salingyi pengah Ralkap 4 tipawl an siih himi ni 2 sung doawknak zatekawm in Kawl ralkap 191 an thi, hriamtuar khal ziang maw zat an um tiah theih a si.