Kayin ramkulh, MWD peng, MWD pursumnak zone doawknak ah palik le ralhrang minung 20 hnak ih mal lo an thi ih, ကော့ကရိတ် peng, ကျုံဒိုး palik camp an laknak ih doawknak ah SAC ralhrang miung 20 cu an meithal pawl thawn nung cingin kaih an si tiah PDF thuthang hram pakhat hnen in theih a si.
March ni 25 zinglam ah KNLA le PDF tuangrual ralkap pawl in MWD pursumnak zone, သင်္ကန်းညီနောင်၊ ကော့ကရိတ်-မြ၀တီ lamzin pi, ကျုံဒိုး palik camp tel in hmun 5 hnak ih mal lo ah veikhat do ih an do thu, doawknak sungah SAC ralhrang lam in minung 20 hnak ih mal lo thi in, ကျုံဒိုး palik camp ah palik le ralhrang minung 20 an meithal pawl thawn nungcingih an kai thu theih a si.
“MWD Pursumnak zone ih a kiltu palik le ralhrang minung 20 lenglo thi an um ding ka zum. ကျုံဒိုး ahcun Palik le ralhrang minung 20 an ralthuam pawl thawn nungcing ih kaih an si. Then khat pawl cu ralthuam thlah duh lo in kaih an tong. Hmun dang khal ah mani cu doawknak a um. Nikhat sungah ralhrang 50 hrawng an thi ding” tiah PDF thuthang hram pakhat in a tarlang.
Tuizing khal ah ကော့ကရိတ် peng sungah doawknak a suak ih SAC ralhrang pawl in raldonak Helicopter thawn a ra kah bawm thu theih a si. “Ziangpit ihsin an kap aw. Helicopter thawn an kah bawm aw. Mipi pawl cu inn sung lawngah an um. Inn leng suak ngam an um lo” tiah ကော့ကရိတ် khawsung mi pakhat in a sim.
KNU Central thusuah tupawl ih an hminsinnak vek asi le SAC ralhrang pawl in thuneihnak an lak hnu SAC ralhrang pawl le KNU kuthnuai KNLA karlak Kayin ramkulh, Mon ramkulh, Peku ramthen le တနင်္သာရီ ramthen sungah doawknak vei 8000 lenglo a suak zo tiah an sim.
