India-Myanmar ramri, India ram, Manipur ramklh, More khawpi sungah Myanmar lam ih an hman bik mi China motor cycle 125 cu March 20 ihsin Manipur acozah in hman an sian nawn lo rangah sum tuahtu an tal buai thu Tamu tualsung mipawl in an sim.
Manipur ramkulh acozah ih an kaih tam bik mi motor cycle pawl cu China 125 le Super card motor cycle pawl an si ih, Manipur acozah in a tuvek ih an kaih ruangah sum tuahtu pawl an sum hawlnak ah harsatnak an ton thu a tuvek in an sim.
“Khi lam (More) lam in a tuvek ih an kaih ruangah thil phurhnak lam ah kan buai. India motor cycle pawl cu thilri phurhnak dingah a rem cang lo. 125 le Super card motor cycle pawl cu thliri phurhnak ah a rem cang tuk” tiah a sim.
Atuvek in More khawpi sungah motor cycle an kaih ruangah ramri ih um hmun khuartu Myanmar raltlan pawl hrangah a tam le mal in a hngawng buai mi a um ding tiah a sim bet.
Sagiang ramthen, Tamu pengih tualsung mipawl cu India ram I an tuah mi motor cycle hmangtu an um ko nan thilri phurhnak ah hman a rem cang lo ih, a man ol deuh mi China tuah mi motor cycle 125 le super car mi tam sawn in an hmang tiah Tamu tualsung mipawl in an sim.
