Mizoram sung rittheih sii zatlang sungih mino pawl in an hman luar zet mi kham thei dingin Mizoram acozah cun zanghleicawi ih a taunt pawl le acozah hnatuantu pawl hrang India rupees million 30 hmang dingin Mizoram acozah cun Core Committee on Ruihhlo Do pawl hnenah an pe.
March ni 22 ah Social Welfare Minister Er.Lalrinawma hohanak in “Working Committee on Ruihhlo Do” do ding cu SAD Conference Hall ah lairelnak nei in Mizoram sung ritthei sii kham dan ding pawl relkhawmnak an nei.
Rittheih sii khamawknak lam ah tanrual a thupit thu rel khawm in, Ritheih sii khamtu pawl ih an hnatuannak pawl ah theitawk in mipi pawl khal in tuanpi dingah sawm ngennak an nei.
Aliam cia 2022 kum ah Mizoram sung rittheih sii ruangih thi minung 47 an um. cumi sungah mipa 39 le nunau 8 an tel thu theih a si.
