Ayeyarwaddy Ramṭhen Mawkyun peng Chianmayh (ချမ်းမြေ့) veng 13nak ih um pengkulh Pyusawṭhi hotu Khin Muang Kyi (ကိုခင်မောင်ကြည်) cu mizansun October 5 simlam nazi 4:30 hrawngah tualsung hriamkai pawlin an ra kap ih a hngawng rori ah an kap ngah, a ro thu hman sim man lawn a hmun rori ah a lawng curco tiah theih a si. ကိုခင်မောင်ကြည် hi tui’hlan ahcun vengsung ih Pyusawṭhi hotu fang lawng a rak si, asinan tubaite ih Pawlkăwm thar an dinsal mi ahcun pengkulh ih Pyusawṭhi hotubik sinak an pe, pengkulh pyusawṭhi hotubik a si ko tiah tualsung mi cun an sim.

Training an kai ṭheh hnu cun meithal le ralthuam dangdang an hmangter cih tiin kan thei, asinan tu cu tlunlam bawi upa pawl an ra thlengih an laksak thluhsal. Tui’ṭum ih an kah that mi ကိုခင်မောင်ကြည် hi ဆဝါရီ lakphak dawr hmai ah motor ih phuraw PDf pawlin an ra kah mi a siih, a hngawng ih an kap ngah ruangah a hmun rori ah a thi cih tiah mithmutu tualsung mi pakhat cun a sim. Pyusawṭhi hotu ra kap thattu pawl hi ဧရာဝတီလင်းပိုင် PDF, ဘိုကလေး PDF, မော်ကျွန်း LCDF tipawl ṭangrual ih tuah mi a si thu ဧရာဝတီ ramṭhen PDF pawl cun an facebook cahmai ah an tarlang.

ဧရာဝတီလင်းပိုင် PDF pawl cun Ralkap council hnuai ih Dalaan, Venglal, khawlal, ralkap lam ṭang tivek pawl hrimhrim cu thianfai vivo an si ding tiih thusuah an tuah ih ram mipi pawl khal Ralkap council milai thawn naivai ih um lo dingin ralrin peknak khal an nei cih.