Kayin ramkulh, Mawady pursumnak zone tel in hmun 5 ah March ni 25 zinglam ihsin doawknak a sosang ciam co.
Mawady Pursumnak zone, သင်္ဃန်းညီနောင် palik camp, Asian lamzinpi, ကော့ကရိတ် lamzin le ကျုံဒိုး khawpi pawl ah SAC ralhrang pawl le KNU kuthnuai KNLA tangrual ralkap pawl karlak doawknak a suak tiah tualsung mipawl in an sim.
KNLA tangrual ralkap pawl in an va kah thok mi a si ih SAC ralhrang lam in raldonak Helicopter, Jet vanzam hmangin mipi ralkap pawl, nasa tuk in an do. Doawknak sungih a tel tu KNLA ralkap pakhat cun ကျုံဒိုး khawpi no. 546 ralhrang battalion le palik camp cu KNLA tangrual ralkap pawl in tuizing ah an vo do mi a si tiah RFA hnenah a sim.
“ကျုံဒိုး khawpi ih ralhrang battalion no. 546 siseh, palik camp khal kan kap khawm. Khawsung tiang lut in kan kap. zianglam nazi 8 hrawng in kan kap thok. Sun nazi 12 hrawng tiang ကျုံဒိုး khawsungah nauhak pawl an um lai. Cumi caan ahcun palik pawl an umnak camp cu an lak sak thei hrih lo. dung an sip sal. nazi 12 tiang ah doawknak an theh hrih lo. ကော့ကရိတ် lam khal ah lamzinpi lai ah tan hmun an khuar. Ralhrang lam ihsin hriam tuar an um. Vanzam in ကျုံဒိုး khawpi kimvel ah vei hnih bomb a ra thla” tiah a sim.
Tangrual ralkap sungah, Lion Cobra, ကျားဖြူ၊ ဒေါန၊ ဂဠုန်၊ ကျားသစ် pawl tangtlang ih an do khawm mi a si. Zaanlam nazi 2 tiangah ကျုံဒိုး ihsin KNLA pawl cu dung sip lo in an do peh vivo ih, ralhrang pawl ih ralthuampi kah mi tla puak mi raungah ကျုံဒိုး khawsung ih tualsung mi then khat hriam hma an ngah” tiah KNLA lam in an sim.
Doawknak ruangah Miwaday pursumnak zone le Miwaddy khawpi sung pehtlaihnak မဲကနယ် Lilawn cu SAC ralhrang pawl in a feh an kham tiah Miwady khawsung mi pakhat in RFA hnenah a sim.
Anih cun “hinah lam ahcun ralhrang pawl le BGF pawl an si. Khi lam pawl cu kan thei felfai lo. an nih pawl cu pursumnak zone kha an hmui tin bik. Pursumnak zone an siim tin kan thei. သင်္ဃန်းညီနောင် palik camp khal an kap tin kan thei. Tufang ahcun pursumnak zone le Miwady pehtlaih tu မဲကနယ် Lilawn ralhrang pawl in luh suah an kham” tiah a sim.
Zaanlam tiang pursumnak zone kiangkap pawl ah doawknak a suak ih, inn then khat a siat mi khal a um tiah a nih cun a sim. Tui doawknak hi Pursumnak zone ih doawknak a suah hmaisa bik ttum a si tiah tualsung mipawl in an rel. Miwady palik camp hmai cu ralhrang pawl in an phit ih khawsung kilhimnak an tthan bet. Miwady khawpi kiangkap ah doawknak a sosang zet ko nan khawsung ahcun kel awh ten mi veivak an um thotho tiah khawsung mipawl in an rel.
“Miwaday ahcun khawsungah an kap aw lo. Pursumnak zone an kah mi a si, meisa an ur. Nithlaknak lam hmun then khat ahcun bomb an puah maw ralthuampi ha tla kan thei lo. lamzin pawl a siat. မြဝတီ, ကော့ကရိတ်, ကျုံဒိုး pawl cu veikhat do ah an do tin kan thei. Khawsung ahcun kel awh ten a um ko. Duhduh in mi an vei vak” tiah khawsung mipakhat in a sim.
Miwady khawpi cu March ni 24 ihsin zaan suak vak lo dingin ralhang pawl in thu an suah. Himi doawknak thuthawn pehpar in Kayin ramkulh SAC spoke person ဦးစောခင်မောင်မြင့် cu RFA in Telephoen thawn an pehtlaih rero nan phone an la thei lo.
KNU Central thusuah tupawl ih an hminsinnak vek asi le SAC ralhrang pawl in thuneihnak an lak hnu SAC ralhrang pawl le KNU kuthnuai KNLA karlak Kayin ramkulh, Mon ramkulh, Peku ramthen le တနင်္သာရီ ramthen sungah doawknak vei 8000 lenglo a suak zo tiah an sim.
