Madalay ramthen, acozah zung kiang March ni 24 zinglam ih bomb puak mi sungah zatlang kaihruaiawknak ih zung hnatuan sinak sang pahnih tel in ralhrang minung 12 a hmun ih an thih thu himi bomb puah tupawl in thu an suah.
PDF Mandalay ih Special Operation ah ပဒေသာ bom thawn an do mi a si thu PDF Mandalay in thu an suah. Hi motor bomb an puah mi sungah Mandalay ramthen ih SAC ralhrang pawl ih pek mi Mandalay Chief Minister ဦးမျိုးအောင် in a thlun timi thu hla an ngah ruangah ပဒေသာ bomb thawn an do mi a si.
“SAC ralhrang pawl ih an pek mi Mandalay CM မျိုးအောင် ih motor cu Mandalay khawpi lailinak, ramthen acozah zung kiangah ပဒေသာ bomb kaam in kan do” tiah an thu suah misungah an tarlang ih, Hi thu suah tiangah ralhrang lam in minung 12 a hmun ah thi in, ralhrang pawl ih zatlang kaihruainak lam ih sinak sang pahnih khal a thi tu sungah an tel” tiah an tarlang.
Mandalay ramthen, အောင်မြေသာစံ peng, ramthen acozah zung kiang, 64 le 25 lamzin kelnak ah March ni 24 zinglam nazi 10:20 hrawngah SAC ralhrang pawl ih sinak pek mi Mandalay ramthen CM motor tlar, bomb an rak puah mi a si. Hi thuthawn pehpar in SAC ralhrang lam cun ziang thu hla hman thu an suah hrih lo.
