Sagaing ramthen, Kalay peng, Letpanchaung khawlu ah ralhrang pawl ih kah mi ralthuampi 120 mm cu March ni 27 zinglam nazi 10 hrawngah a tla puak ih, tualsung mipakhat in seherh um lo in hriam a ngah tiah tualsung mipawl in an sim.
Tualsung mipakhat in “a zaten vei 5 a puak. a awn kan thei. Pahnih cu Letpanchaung khawtar, hmun thar an tuahnak hmun ah a tla. Pakht a puak ih pakhat a puak lo. a puak lo mi mu khat hi leitlungsung pi 5 thuk hrawngah a lut. Tu tiang an phorh hrih lo a kel ten a um lai” tiah a kiang nai vai um tu in a sim.
Hi ralthuampi puak mi raungah ralthuampi tlaknak kiang nai vai ih um tualsung mi pakhat in a tai hrawngah hriam a ngah, a nunnak hrang ahcun seherh ding a um lo tiah an sim.
