31.3 C
Kuala Lumpur
Monday, August 3, 2020

Kutdawh Putar le Milian Nunau, Kutdawh Putar ih lungawinak mitthli

Must read

Panglong Lungkimnak Thupuan (Panglong Agreement) – Chin Version

Panglong, 12 February 1947 Tonkhawmlairelnak pakhat cu Panglong ah tuah a si ih, Burmaram Acozahpi Executive Council ih sungtel hrekkhat, Saohpas zate le Shan...

CNLD In Lairawn Ih CAM Cuhtu Ding Cu July 25 Ah An Nemhnget Ding

CNLD ih Chin Affairs Minister (CAM) cuh dingih hmin petu pawl cu July 25 ah central in an nemhnget ding thu CNLD chairman Pu...

Arakan National Party: Rakhine Ramkulh Ahcun Rakhine Party In Nehnak Kan Co Ding

Arakan National Party (ANP) cun Rakhine miphun sinak a derthawm hlan lo hrilawknak ah nehnak co ding an ruahsan ih NLD cu a hleice...

U Win Htein In Senior General Min Aung Hlaing Ih Thuhla A Sim Mi Cu NLD In Kan Theihpi Lo

2008 daanhrampi remnak ah atui ralkap lu bik Senior General Min Aung Hlaing ih a kaihruai ahcun a ralai dingmi rampi hrilawknak ah President...

Zing khat cu thuamhnaw ṭha le mawi zet hrukin nunau pakhat cu hnaṭuannak lam pan in lamzinpi ahcun a feh. Tawkfang nawn a feh hnu ah lamzin sir ah umnak inn neilo (kutdawh) putar pakhat a hmu ih cui’ putar ih hmai zawn ahcun a ding. Cui’ nunau cu a ceiawkdan zoh tikah mi neinung tak a si ti cu a fiang, a thuamhnaw, a ruangrai le a hmel pawl zohnak ahcun rawl ei ding neilo, rilrawng ih um dah ding hmel a pu riai lo.

Cui’ nunau cun kutdawh pa cu a zoh ih hni siamsi ten a hi naih vivo. Kutdawh putar cun I fehsan aw, tiin mithmai nau zetin a rak ti. Nunau cun mithmai pan siamsi ten hni phah in, n aril a rawng maw tiah a sut. Putar cun thinheng mithmai thawn zoh in “rawng lo, I fehsan men aw” tiin a sawn cih lohli. Nunau cun mithmai pan siamsi ten a kut nonal le nemte in kutdawh putar cu a vun tham. Kutdawh putar cun ziangah ha I tham, ka parah ziang tuah ha na tum, I fehsan aw tiah awhro zetin a auh. Culaifang ah an kiangih duty police pakhat cu an lam pan in a ra ih nunau hnen ahcun “ziangha lo bawmṭulmi na nei maw?” tiah a sut, nunau khal cun Sir, zianghman bawm ṭulmi a um lo, bawm ka duh ih cunah si tiah a sawn.

Police pa cun mangbang nawn in, hipa cu tuihlanpi ihsin kutdawh khawng, mitibuai ṭheutu Joe a si hi, tiin a sawn. Nunau cun hipa in ziangti hman I tibuai lo, bawm ka duhsawn ruangah a si tiin a sawn. Police pa cun hi kutdawh putar hnen ihsin ziangsaw na beisei tiah a sut. Nunau cun hi putar kutdawh hi restaurant ah ei-in pakhat khat do ih hmun dang, hmun nuam deuh ah hruai ka duh ih cunah si tiah a sawnsal.

Kutdawh putar cu a thinheng, a kam seh phah in, nunau hnen ahcun “na aa maw si?” ka parah ziangtuah ha na tum, tiin awka hrang nawn in a ti. Nunau cun kutdawh putar in a duhlo cingin hmun pakhat khat ih hruaisuah a tum, Police pa thawn an lem rero nan a duh cuang lo, in tlansan men uh, nan nih thawn khui tawk hmun feh khal ka tum lo, keimahte ka um men ding tiah a sawn hai.

Police pa cun putar pa in rak thlun men aw, tuhi na hrangah caan ṭha tla a si thei hokhaw, tiin a sawm ih a tawp ahcun kutdawh putar khal cun a thlun ve. Cutin nunau nu le police cun kutdawh putar Joe cu restaurant pakhat sungah an luhpi ih cabuai sirte ah an topi.

Ṭausang hrawng a si zo ruangah mi tamsawn cu thawhhlam an rak ei thluh zo, suncawi ei a cu deuh hrih lo. An tonak dawr manager a rak ih police hnen ah cun Sir, ziang thubuai ha thleng? Ziangah hi kutdawh putar Joe cu hi tawkah nan rak hruai tiah a sut. Police cun “hi nu in ei-in ding pakhat khat a do duh ih curuangah hitawk ih kan rak hruainak a si”tiin a sawn.

A khei aw, hivek mi ṭawp le bawrhhlawh zet kutdawh putar kan restaurant ih nan rak hruai cu kan customer pawlin an fih dingih kan pursumnak a tlakniam phah thei sisi a, tiin awka hrang nawn in a be hai. Kutdawh putar Joe cun, police le nunau nui’ hnen ah cun a tirte ihin hitawk feh ding cu ka duhlo ka lo ticia si, ka lo fehsan mei ding aw khah! Tin a ti hai.

Nunau nu cu a to hmun ihsin a ding ih manager pai’ hnen ahcun, “kan lo tibuai ruangah ka tipalh, sorry si”. Himi nan restaurant innpi le hi kiangkap ih company tumpi pi le innpawl hi na theihmi an si hai maw, tiah a sut. Manager pa cun si e, company tumpi pi hnaṭuantu pawl le hi kiangkap mipi pawl cu kan customer an si ih an mai’ hnen ihsin si paisa kan lakluh ṭheu, ziangah saw cu lamlam I sut, tiin manager pa cun a sawn.

Nunau nu cun “Holly Evans ka si hi company pawl neitu le president ka si”, tiin a vun ti cun manager pa cu a mihmai khumsuk sualso in leilam a bih. Nunau nu cun mithmai pan siamsi ten a zoh ih, na khawruahnak mal lai a vung danglam deuh a bang, a hun ti cu police pa a rak hni ciamco.

Nunau nu cun police pa le Joe thawn lakphak an in duh thu a sim ih manager pa cu a lu sam mang lawn an in ding lakphak tuah ah a phar ciamco.

Lakphak in phah in tawkfang an to hnu ah nunau nu cun thungai tak mithmai thawn kutdawh putar Joe cu a zoh ih, Joe I thei lai maw? Tiin a sut. Putar cun na hmuihmel te cu ka lo hmuh dah dingmi a bang nan, zo ciah na si tiih vun rel fukfi ding cu ka thei lo, tiin a sawn. Nunau nu cun Joe, tu cun ka upa ve thlangih ka hmuihmel cu mal lai a danglam tla si men thei, tuihlan kum reipi ah hi tawkih hna na rak ṭuan lai kha na manglai maw? Nauhak nute pakhat hi tawk sangka rite ah rilrawng hnianghnite ih ding, nan rawl pek ding rak cuan rero tu kha na mang lai maw? Nunau nu cu a biang ah a mitthli dan rual loin a fawr.

Police cun mangbang zet mithmai thawn na simmi cu thungai maw si tin a sut. Police pa cun a hna ih a theihmi thu cu a zum thei hrimhrim lo, hivek nunau tuaktam le mawi, neinung hmel zet hi rilrawng ih a rak umdah ding cu a khawruahnak in a ruat banlo lawlaw.

Nunau nu cun a sim peh ih, phunsang tlawng ka ṭheh pekte ah hnaṭuan ding hawlin a suk a so ah ka vak vivo ih hnaṭuan ding ka rak hmu thei lo, rilrawng tihal in ka rak um. Hnaṭuan ka neih lo ruangah ka innsannak inntek te cun in dawi ih cutin lamzin tluan ah umnak ding neilo in ka vaktawi. Kha lai can ih khawleng a daih dan cu a mak, ka thi zik thei.

Culaifang hi hitawk restaurant hi ka run hmu ih ei ding pakhat khat tal ka ngah dah pangah tiin phuhrawng aw zet phah in ka rak pan. Culai ah mithmai pan siamsi ten I rak cohlan kha na thei lai maw Joe, tiin mitthli fawr kohko phah in a sim. Joe cun “aw, singai, ka cing lai hokhaw” counter ih ka ṭuan lai a si ih nan hnaṭuan ka lo bawm dingih ei ding rawl in pe thei kem tiih in rak dil dah kha! Tiin kutdawh putar cun a sawn.

Si e, cuvek cu nan restaurant dankalh a si ti thei cingin mithmai pan siamsi ten ei ding rawl thaw tak Sandwich tumpi in rak pek kha! Kha tluk Sandwich tum kha ka hmu dah lo, a in dingah lakphak tla in rak pek kha, phuhrung aw zetin cabuai sir bikah to in ei ding I pekmi thaw tak le puar takin ka rak ei kha. Hivekin ka parah na tuahmi ruangah harsatnak na tawng pang thei ti cu ka thinlung thupten ka ruat rero, asinan ka ei-in hrangah nangmai’ paisa na pek thu ka vun mangsuak sal, cutin ka hna a ngam deuh sal.

A ṭawnglai ahcun Joe cun, “cu hnu ah hnaṭuan ṭha na ngahsal tinak maw si?” tin a sut. Nunau nu cun, Si e, hnaṭuan ka ngah ih ka hnaṭuanmi parah zuam zet le rinum takin ka ṭuan ih cutin leh hnu ah keimahte business ka rak thawkih tu ahcun company tiang ka hun nei thei ve a si hi, tiin a sawn.

Nunau nu cun a paisa bawm sungih a name card a phawrh suak ih, Joe na rawl na ei thluh tikah, kan Company ah ra awl HR director ra tawngaw, na ṭulmi paisa, hnipuan le umnak inn pawl a rak lo tawlrel sak ding hokhaw. Ṭulsammi na neihmi pohpoh cu in ra pan ringring aw, na hrangah sangka on sak ringring na si. Cuti ih a Nunau nu in a sim rero lai ah Kutdawh Putar Joe cu a mitthli dan rual loin a biangah a rung fawr, ziangvekin saw lungawi thu ka lo sim ding ti khal ka thei lo, a hun ti, Nunau nu cun Joe, Pathian hnen ah lungawi thu sim sawn aw, nangmah thawn tawngaw lehsal thei dingin na hnen ih I rak hruaitu cu Pathian a si kha, tiphah in, kutdawh putar Joe cun police hnen ah Sir, ka lungawi, a hi ti.

Police pa cun keimah sawn ka lungawi. Tuisun cu ka hringnun ih ka tawn dah kel lomi le ka theihhngilh thei dahlo dingmi thil danglam tak ka tawng ngah a si hi, a hun ti. Nunau nu (Holly) cun kutdawh putar cu zoh phah in, Joe kan tawngaw lehsal ding maw, tiphah in cui’ hmun cu a suahsan.

Midang hrangih thilṭha tuah hi ava sunglawi tak ve, mi pakhat khat a ṭulsam laite ih rak bawm ngahtu si hi, bawmmi khal siseh a bawmtui’ hrang khalah a sunglawi in a ropi zetmi a si. Hi video tawite a rak ngaitu nang khal na kiangkap ih um a ṭulsammi pawl bawm dingah na kut sup pang hrimhrim hlah. Midang kan bawm kan timi hi kan mah le mah bawm aw tluk kan si thotho. Midang parih thil ṭha na tuah tinten ṭhatnak in na dung a lo thlun cih ringring. Nan zate parah ka lungawi.

Video in na zoh duh asile;

The Chin Times / Chin Net

 

More articles

LEAVE A REPLY

Please enter your comment!
Please enter your name here

Latest article

Panglong Lungkimnak Thupuan (Panglong Agreement) – Chin Version

Panglong, 12 February 1947 Tonkhawmlairelnak pakhat cu Panglong ah tuah a si ih, Burmaram Acozahpi Executive Council ih sungtel hrekkhat, Saohpas zate le Shan...

CNLD In Lairawn Ih CAM Cuhtu Ding Cu July 25 Ah An Nemhnget Ding

CNLD ih Chin Affairs Minister (CAM) cuh dingih hmin petu pawl cu July 25 ah central in an nemhnget ding thu CNLD chairman Pu...

Arakan National Party: Rakhine Ramkulh Ahcun Rakhine Party In Nehnak Kan Co Ding

Arakan National Party (ANP) cun Rakhine miphun sinak a derthawm hlan lo hrilawknak ah nehnak co ding an ruahsan ih NLD cu a hleice...

U Win Htein In Senior General Min Aung Hlaing Ih Thuhla A Sim Mi Cu NLD In Kan Theihpi Lo

2008 daanhrampi remnak ah atui ralkap lu bik Senior General Min Aung Hlaing ih a kaihruai ahcun a ralai dingmi rampi hrilawknak ah President...

Ralhrang Tapung Pawl Ih Phen Ah Thazang A Cak Zetmi Ram Pawl An Um : Min Aung Hlaing

Ralhrang tapung pawl cu ralkap in dai ko in do ding a zuam tuk ko na'n an phen ih dinpitu thazang a cak zetmi...