Chin ramkulh, Kanpalet pengsung ရင်းကဲ – ကျင်ဒွေး lamzin tufang kilhimnak raugnah a langte an phih sung thu CDF-Kanpalet in March ni 26 ah thu an suah.
Kanpalet peng sung ရင်းကဲ့ – ကျင်ဒွေး- မကွီးအိမ်နုး pawl pehtlaihawknak ih an hman bik mi lamzin a si ih, hi lamzin pi a langte kan khar tiah Chin mipi humhimtu CDF-Kanpalet in mipi pawl hnen thu an than mi a si.
“Kilhimnak thu ruangah a tuvek ih kan phit sungmi a si” tiah CDF-Kanpalet ih Brigadier Salai Tun Ling Thang in a sim.
ရင်းကဲ – ကျင်ဒွေး lamzinpi cu March ni 27 ihsin March ni 30 tiang a langte khar ding a si ih, himi caan sungah mi zohman feh suk so lo dingin le poipeng thu ih vak suah a tul pang asi khal le mipi ralkap nai vai bik hnenah, siannak dil hnu lawngah feh dingin CDF in thu an suah.
SAC ralhrang pawl cu March thla thok ihsin Chinram lam ah eiin le ralthuam phurh aw in an feh ih nitin deuh thaw in Chinram sak le thlang lam ah kahawknak a suak.
