SAC ralhrang pawl kaih mi, kum 2 sung thawng tla dingih hremnak an pek mi lalpeksanga cu March ni 21 ah rin lopin a thi tiah an sungkhat naivai pawl hnen in theih a si.
Lalpeksanga cu Falam peng, Mualzawl khaw mi a si ih CDM tuah dingin mi sai thawhnak, Mah rori duhphorhnak tuahtu lak ih a tel ruangah penal code 505 (a) thawn tuikum February thla cem ah kum 2 thawng tla dingin hremnak an pek mi a si tiah Zalen Media in a tarlang.
Ziangruangah a thi ti cu theih a si lo. A ruak la in a nu le pa, sung le khat umnak ah phur in an vui thu theih a si.
