Sagaing ramthen, Kalay pengsung March ni 20 le 21 pawl ih ruah a tlak ruangah raltlan pawl ih an umnak a tlun khuh hleiah eiin ret mipawl khal a siat ih an harsa zet tiah tualsung mipawl in an sim.
Kalay pengsung thlanglam khaw then khat pawl ah ruah a sur ruangah raltlan pawl ih umnak a tlun khuh pawl a siat tiah kilhimnak ih hmin lang duh lo tualsung mi pakhat in RFA hnenah a sim. Tufang ahcun raltlan pawl cu hmun dangah tthawn aw dingin timtuahnak an nei rero tiah a rel.
Kalay peng thlanglam ah khaw sen in SAC ralhrang pawl ih inn nawh sak mi hleiah SAC ralhrang pawl dinpitu umnak khua ihsin a tlansuak tu raltlan pawl tel in raltlan zaten minung 1000 lenglo an um tiah raltlan pawl hardamnak lam tuamhlawmtu pawl in an sim.
UNO Cha pawl 2023 March ni 4 ih an thusuah mi vek asile Myanmar ramsung ralhrang pawl ih thuneihnak an lakh nu, ramsung buainak ruangah Sagaing ramthen sung tualsung mipi thawng 700 le thawng 50 hrawng inn le neih siah tan in ral an tlan tiah an sim.
