25.6 C
Kuala Lumpur
Saturday, July 4, 2020

Ka Pa in ka Nu phatsan in Fala nonal pahnih a kawp: Video

Must read

Arakan National Party: Rakhine Ramkulh Ahcun Rakhine Party In Nehnak Kan Co Ding

Arakan National Party (ANP) cun Rakhine miphun sinak a derthawm hlan lo hrilawknak ah nehnak co ding an ruahsan ih NLD cu a hleice...

U Win Htein In Senior General Min Aung Hlaing Ih Thuhla A Sim Mi Cu NLD In Kan Theihpi Lo

2008 daanhrampi remnak ah atui ralkap lu bik Senior General Min Aung Hlaing ih a kaihruai ahcun a ralai dingmi rampi hrilawknak ah President...

Ralhrang Tapung Pawl Ih Phen Ah Thazang A Cak Zetmi Ram Pawl An Um : Min Aung Hlaing

Ralhrang tapung pawl cu ralkap in dai ko in do ding a zuam tuk ko na'n an phen ih dinpitu thazang a cak zetmi...

Kutdawh Putar le Milian Nunau, Kutdawh Putar ih lungawinak mitthli

Zing khat cu thuamhnaw ṭha le mawi zet hrukin nunau pakhat cu hnaṭuannak lam pan in lamzinpi ahcun a feh. Tawkfang nawn a feh...

Ka pa hi fala pham le fala verther herher deuh ringring khi a si. A fala pawl le miler le paisa lawng duh, supermarket cashier ih hnaṭuan, a sui nazi le a sui ṭhi hahio ih rak luangliam tivek fang khi an si.

Ka Nu hin hmu ngah sehla cu ziangti takin um kei maw. Ka Nu cu mi ṭha tak le fel tak a si. Ka suah veten a hnaṭuan a cawlhsan ih keimah rori ngaihsak le kilkhawi in inn ah a um. Kan sungkua hrangah a pekawknak hi a tam nasa.

Cu laklai ah ka pa cu tirhfak ngaingai mai hrang lawng ruat khi a si. A thlahlawh khal a tamsawn cu amai’ hrangih a hmannak ah a cem thluh, a cancan ahcun ka nui a pekmi sumpai hin bill pawl pek ding a daih lo ṭheu. Asinan cupawl cu a relsuak ngam dahlo. Ka Pa hi mihringhro a hman zet ruangah, anih thawi tawhawk ding cu a phang zet.

Asinan thil pawi zet cu ka Pa hin ka nu hi a rak bumthup ringring hi a si. Kan thei thluh ko. Acan can ah zan tlaipi hnu hman ah inn a ra thleng lo ṭheu. Ka nu cu thinhar le lungkuai in a ṭap ṭheu.

Ka hminsin ringring lai, kum 9 ka si lai ah ka Nui’ parih a umtu dan ruangah ka thinling sosang tukin “Ka nu hi hmaizahnak malte tal nei ve aw” tiin ka auh ciamco.

Zianghman ngaihsak lo zetin, “A phu tawk ciah a co ngah a si kha. Nitin nan ei-in ding hrang taima zetin hna ka ṭuan. Daiten um ngiaungi men uh, culol asile hi hmun ihsin suak aula nan mahte hnaṭuan hawl uh” a ti men.

Ka Nu cun kamkhat hman a sawn lo. Kan innsang umtu dan cu hivek hi a si ko. Zohman ka pai’ duhlo zawng ṭawng ngam kan um lo. Kan ṭih in kan khur thlauhthlauh.

Kan inn suahsan men ka duh zet nan, ka Nu cun rem a ti lo. Hihi si lehhnu ih thil duh umlo tak a ra thlen hnu ih ka nu ka mawhthluknak bik cu.

Ka pa ih pu a thi ih, paisa tam ngaingai ka pa a tanta. Hivekih sumpai tanta awkmi cu innsung sang nuntu khawsaknak hrangih hman ding a si.

Cuvek cu si ta hlah, anih cun a Pu in paisa a rohta thu pawl ziangthu hman in sim lo. Bag fate a la ih ka nui’ hnen ah ka lo tlansan men ding a ti ih a suak vungvo cih. A thilri dang zianghman le a la si lo, a paisa tampi neihmi cun a thar lei thluh a tum si cek ding.

Ka Nu cu ninghang riahsia le thinpit in a ṭap ciamco. Hivek lawmam ih a ṭha hi ka thei dahlo. A hnen lam pan in ka va tlan ih ka va pawm, Nun una lungngai awhlah maw, na hnen ah ka um ko sisi, tiin ka va hnem.

An ṭhenawk ngah fel hnu cun ka Nu thinnau zetin a um. Hnaṭuan a hawl a ṭul, ka suah thlak ihsin I kilkhawinak ah rei tuk hnaṭuan loin a rak um fawn tikah a hrangah hnaṭuan hawl a harsa zet. Cashier hnaṭuan pakhat a hmu ngah. A hlawh a mal deuh ruangah kan inn san man kan pe theilo ih studio room ah kan ṭhawn ih ihkhun hman umloin tapthlang ah kan nufaten kan it.

Hivek ih kan khawsak hi kum khat lenglo a si, ka Nu hi ka zang a fak tuk lawmam. Ka Pa in le Laiking titit rorin in tanta men. Ziang thuhla hman cipcap a ti nawn lo.

Kum 13 ka hung si ve thlang, ṭum khat cu shopping mall pakhat ah ka pa ka hmu ngah. Falak um 20 kiangkap hrawngmi ih kiangah ding hrianhrian in ka hmu. Hivek fala ngaizawn duh men ah maw ka Nu hi a rak ṭhen ke aw, tiin ka sutaw rero.

An dungin ka thlun ih an mawṭaw umnak tiang, an mawṭaw cu tuihlan ih a hman ṭheumi vek siloin BMW x5 thar, mawi zerzi khi a si. Hivek mawṭaw ṭha tak leinak dingah khui lam ihsin paisa a ngah si pei?

Khui tawk ah an um timi ka theihfeng a ṭul a si hi; tiin palik hnen ah ka feh. Ka Pai’ umnak ka theihfeng lo thupawl ka sim hnu ah, a thaisun ah a umnak palik pawl cun in sim.

Ka Pa tawng ding cun a inn ah ka va feh. Asinan a inn ka va thleng cu sangka bell hmeh ding ka thlahrung aw nasa. Inn sungih vungluh hnakin tiin sangkate kiangih thingkung parah ka kai ih a innsung cu fiang riahriah in a lang.

An mileng pindan lawng hmuh a theih si ih, zohman hmuh ding an um silo ka hngak cuahco. Tawkfang, ka tlung men thlang ke ka ti zawngah thil hmuhmi ka nei.

Ka Pa cu mileng pindan ah fala pahnih thawn an ra suak puangpo ka hmu. Fala pakhat cu kan dungte ih Shopping mall ih ka hmuhmi kha a si ih a dang pakhat sawn khal an hmel a bangaw nasa, unau an si men thei. Kum 20 kiangkap hrawng an si veve, ka Pa cu kum 50 a kim zik cuahco. Ka hmuhmi cipciar cu ka rel lang duh lo mei ke. Fala pakhat cun kawr paa diardi te a hruk ih pakhat sawn cun tlawng uniform a hruk.

Inn ka va thleng ih ka hmuhtawnmi cu ka Nu ka sim kher a ṭullo ti ka fiang. Asinan a theih ve ṭulih ka ruahmi ka sim. Ka pa cu inn thar a neih thuhla ka sim, fala pahnih thawi an um thu cu ka sim lo. Ka Nu ih thinnat ter ka sianglo.

Ka Nu cun a ziang khal a pawilo thu I sim. Asinan ka nui’ hnen ah “Nunu hizat zozai paisa a neihmi hi nan ṭhenawk hlan ih a rak neihthup mi tla a si thei hokhaw, cumi tla a si ahcun a hrek cu na covo a si” tiah ka sawn.

Ka Nu cu ziang hnukhnak thei mumal loin a um, asinan ka nawr ciamco ruangah a tawp ahcun thuhla fiang zingzawi dingin lawyer pakhat a sang.

Thla ziat hman a reilo, kan lawyer sanmi cu ka Pa ih bank account sungih paisa lut/suak pawl a thei thluh. Cumi ciah ihsin ka Pa cun ka Nu a ṭhen hlante zarh khat duh ah paisa tamtak ro a co thu kan hmusuak ngah.

Hithu kan hmuhsuak cun ka Pa ka huatnak a nasa sinsin. Thuṭhennak hmunsang cun ka Pa cu a Pu in $ 2million ro a roh ta timi an hmusuak ih, a hrek cu ka Nu pe dingin an relcat.

Ka Pa cun a Paisa ngahmi cu ṭhen thum ṭhen khat lai a rak hmangral zo. Ka Nu a hrek a vun pek cun a kutsung tangmi $400,000 fang lawng a si thlang.

Asinan ka pa cun ningzah khal ruat riai loin kan inn ah ra in ka nui’ hnen ah ngaidam a ra dil ciamco. Neihawk ṭhatsal ih innsang dinsal a dil.

Asinan ka Nu cun tawk a ti tuk thlang ruangah, kan inn suahsan ih in tlansan dingin a rak ti men.

Kan nun a nuam thlang ta. Paisa thu ah kan thinhar a ṭul nawn lo. Tu ahcun ka Nu khal Online dating hmangin tlangval thar a hawl ve thlang. Tlangval thar a hmuh thu hla an thurual thupawl I sim ih ka pa hnakin an kaihaw sawn in an rualrem sawn mah na.

Ka Nu hi ralṭha takih a din ngam hi ka va uar in ka va suang tak ve.

Hminsin: Hi thupawl hi audio ih tuahsawng siseh, website dangih post sawng kan siang lo.

Video ih zoh duh hrangah;

The Chin Times / Chin Net

More articles

LEAVE A REPLY

Please enter your comment!
Please enter your name here

Latest article

Arakan National Party: Rakhine Ramkulh Ahcun Rakhine Party In Nehnak Kan Co Ding

Arakan National Party (ANP) cun Rakhine miphun sinak a derthawm hlan lo hrilawknak ah nehnak co ding an ruahsan ih NLD cu a hleice...

U Win Htein In Senior General Min Aung Hlaing Ih Thuhla A Sim Mi Cu NLD In Kan Theihpi Lo

2008 daanhrampi remnak ah atui ralkap lu bik Senior General Min Aung Hlaing ih a kaihruai ahcun a ralai dingmi rampi hrilawknak ah President...

Ralhrang Tapung Pawl Ih Phen Ah Thazang A Cak Zetmi Ram Pawl An Um : Min Aung Hlaing

Ralhrang tapung pawl cu ralkap in dai ko in do ding a zuam tuk ko na'n an phen ih dinpitu thazang a cak zetmi...

Kutdawh Putar le Milian Nunau, Kutdawh Putar ih lungawinak mitthli

Zing khat cu thuamhnaw ṭha le mawi zet hrukin nunau pakhat cu hnaṭuannak lam pan in lamzinpi ahcun a feh. Tawkfang nawn a feh...

June 25 ihsi thawkin ni thum sung Surbung Airport ah Vanzam hniksaknak nei ding

Chin ramkulh Falam khawpi kiangih ummi Surbung Airport ah a hmaisabik hrang vanzam ṭum/kaiter hniksaknak cu tuini, June 25, ah thawk a si dingih...