Internet le Phone line an phitnak Chin ramkulh, Matupi khawsungah phone hri nei pawl rak hman a si nan cumi khal ralhrang pawl in an phih sak salnak thla khat zik te a rei thlang tiah Matupi tualsung mipawl in an sim.
Matupi tualsung mi pakhat in “Ralhrang pawl in ramri an nor ruangah maw kan thei lo. phone hri nei pawl a ngah nawn lonak March thla thok lam in tu tiang a si ko. Veihnih khat a caan caan ah ngah ding vek in a um theu lawk nan tufang cu a ngah lo lawlaw” tiah a sim.
Phone line pehtlaihawknak an phih sak nak thla 3 lenglo a rei zo mi Matupi khawsungah phone hri nei pawl 4 lawng hmangin, hmun dang sungkhat unau pawl pehtlaih a si ih, ralhrang pawl in ramri an nor hnu lam in a ngah nawn lo tiah Matupi khawsung mipakhat ih sim sawng mi in theih a si.
SAC ralhrang pawl cu March ni 13 hrawng ihsin ပခုက္ကူ in Chinram lam pan in motor 80 lenglo thawn an thlengih Chin mipi ralkap pawl thawn Chinram sak le tlang lam ah nitin deuh thaw in an kap aw.
