မာနယ်ပေလော a tlak hnu, SAC ralhrang pawl hmun hnget ih an tonak Tanlun tipi kap ih မယ်တရိထာ, မယ်ခါးထာ camp cu KNLA le tangrual ralkap pawl in an va lak sal ttum doawknak ah SAC ralhrang lam in minung 16 thi in, 7 in hraim nasa ten an ngah tiah KNU thuthang in an tarlang.
SAC ralhrang pawl hmun hnget ih tan hmun an khuarnak မယ်တရိထာ, မယ်ခါးထာ camp cu minute 45 sung doawknak a suah hnuah camp an lak sak sal thu, hriam hma a tuart u SAC ralhrang minung 7 sungin, minung 5 pawl cu Thailand ram lam ah an tlan suak ruangah Thailad singpahrang ralkap pawl in Thailand civil siizungah an thuam hlawm thu, doawknak sungah KNLA le FFD tangrual lam ihsin paral tha 1 in sunglawi zet in ram le miphung hrang nun a thap ih, minung 8 in hriam an ngah thu theih a si.
Camp laknak ih doawk an theh hnu, SAC ralhrang pawl hnen ihsin MA-1, MA-2, MA-4, RPG-6, 60 mm a kahnak, Mechain gun le Sniper a zaten meithan zun 23 le cerek 3360, pehtlaihnak cet 2, biakawknak cet 2, phone 2, battry fate 4 le ralhrang bawnbi 2 an lak sak thu, မယ်တရိထာ, မယ်ခါးထာ camp cu tuihlan KNLA ralkap, B-20 pawl hram an bunnak hmun a si ih, 1995 kum KNU hmunpi မာနယ်ပလော a tlak hnu in, SAC ralhrang pawl in thazang tampi thawn an rak lak sak mi KNLA camp hlun pakaht a si tiah theih a si.
