Kachin ramkulh, ပူတာအို – မချမ်းဘော ram ih sui laitu pawl cu Company in hnatuannak man pek ding ai ah hantuan tupawl cu rittheih sii pe in hna an tuan ter thu suilai tu pawl hnen in kan thei tiah KIO/KIA thuthang suahtu pawl in an tarlang.
Sui laihnak Company neitu pawl in hantuan tu pawl hnatuan an kawh thok ah rittheih sii, man nei lo in an pe ih rittheih si in, a ciah neh hnu in hnatuantu pawl cu hnatuan man sumpai pe nawn lo in rettheih sii lawng an pe tiah an tarlang.
Hi hnatuannak sungih hnatuantu tam sawn cu Kawl, Shan, Rakhai miphun lawng an si ih Kachin miphun khal tel in a tam sawn cu mino lawnglawng an si tiah an sm.
Suilaihnak company pawl in hantuantu pawl cu daan kalh in hnatuan man pek ai ah ritthei sii an pe in, hna an tuan ter nan thuneitu lam ihsin tuanvo la in thu hla cingfelnak a um hrih lo. Cuitlunah SAC ralhrang in Sui laihnak kiangkap pawl ah Bing an cing tiah KIA thuthang hram in a sim.
ပူတာအို – မချမ်းဘော ram ah Suilaihnak khur 50 lenglo a um ih, Sui laitu company zate zikte pawl cun Suilaitu an hnatuan tu pawl cu an hnatuan man sumpai pek ai ah Bing le ရာမ tipawl ritheih sii an pek tiah theih a si.
