Sagaing ramthen, ပုလဲ peng, ဇီးဖြူကုန်း khua ih ပျူစောထီး camp cu MRDA ralkap pawl in an siim ih SAC ralhrang lam in minung 20 hnak ih mal lo an thi tiah MRDA ih tuanvoneitu pakhat ih a sim mi khitthit media in a tarlang.
March ni 21 zinglam nazi 6 hrawngah cui ပျူစောထီး camp cu an siim ih hnget khauh zet ih an tuah mi an camp sunglam tiang lut ih an do thei thu, SAC ralhrnag tirhfung ပျူစောထီး minung 20 thi in, camp thianfainak an tuah caan, zianglam nazi 7:45 ah SAC ralhrang pawl in vanzam thawn a ra kah ruangah dung an sip sal thu theih a si.
“ralhrang pawl hnget khauh zet ih an tuah mi an camp sung tiang kan lut thei. A zate felfai ih kan thianfainak kan tuah hnu lawngah SAC pawl in vanzam thawn in ra kap. Ralhrang tel in ပျူ 20 lenglo an thi. An camp zaten la theh dingin kan zuam rero nan vanzam hmangin in ra kah ruangah, a hnuai ih dotu pawl hrang vanzam kahnak kan tul tuk” tiah MRDA ih tuanvoneitu pakhat in a sim.
Hi doawknak cu (MRDA) ပခုက္ကူ peng B-1, B-3 tangkhawm ih do mi a si ih ralhrang lam in vanzam thawn nasa tuk ih an kah ruangah mipi ralkap lam in mi huaisen 3 in ram le miphun hrang nun an thap ih, minung 5 in seherh um lawn hriam an ngah thu theih a si.
