Shan ramkulh thlanglam, ပင်လောင်း peng le ဖယ်ခုံ peng ramri, thla khat sung SAC ralhrang pawl le mipi ralkap karlak doawknak ah ralhrang minung 200 lenglo an thi ih, minung 100 hnak ih mal lo in hriam an tuart hu 1007 Mobye PDF pawl hnen in theih a si.
February ni 24 ihsin March ni 30 tiang SAC ralhrang pawl le 1007 Mobye PDF၊ Phekhon Zone(KNDF)၊ 1001 Mobye PDF၊ 1002 PK PDF ၊ PNDF(KK)၊ DMO PDF ၊ DMO Local PDF ၊ 1009 IPDF ၊ 1008 SSRY tangrual mipi ralkap kar lak doawknak nasa zet in a suak ih ralhang lam in minung 200 lenglo thi in, minung 100 hnak ih mal lo in hriam an ngah thu theih a si.
Hi doawknak sungah SAC ralhrang pawl hnen ihsin ralthuam tampi lon sak a si ih Mipi ralkap lam ihsin paral tha minung 10 in ram le miphun hrang nun thap in, minung 15 hnak ih tam in hraim an ngah tiah an sim.
March zarh khatnak sungih tuar naa zet tu SAC ralhrang pawl in ပင်လောင်း peng, နမ့်နိန်း khawsung phungki tlawng sungih phungki 3 tel in tualsung mipi 22 nun rawng zet ih an thah hleiah khawsung khal inn an ur thu, cui hmun cu tuini tiang doawknak a sosang lai ih SAC ralhrang pawl in vanzam thawn vei 26 bomb a thlak thu, doawknak um lonak hmun raltlan pawl umnak pawl khal ah SAC ralhrang pawl in ralthuampi an kah thu theih a si.
ပင်လောင်း peng le ဖယ်ခုံ peng ramri ah SAC ralhrang pawl in tuini tiang thazang burbur in bet aw in ramri an nor. Vanzam kah bawmnak, ralthuampi kahnak in cangvaihnak an nei. Curuangahnu le pa pawl in khamawknak hrang ih do rero tu dothelngnak hrangih a do tu mipi ralkap bawmnak pe cio ding an forfial thu 1007 Mobye PDF in thu an suah.
