Shan ramkulh, နမ့်စန် vanzam ralkap ihsin bo hnih, Vanzam ralkap engeineering sinak sang kan lo tthan ding tiih ralhmai an fehter ih, Shan le Kayin ramkulh ramri doawknak sungih a va thih thu tualsung thuthang hram pawl hnen in theih a si.
Shan-Kayin doawknak ah vanzam ralkap captain ရဲသူရ doawknak ih thi a si ih, ralhrang pawl thazang an daihawknak nawn lo raungah ralhmai ah va feh aw la na sinak kan lo tthan ding an timi cu beisei in ralram hmun ih a feh suak thu, March ni 23 doawknak ah a thi tiih a sungkhaw hnen theihternak an neih thu theih a si.
“နမ့်စန် vanzam ralkap ih bohnih Shan-Kareni ramri doawknak ah a thi. A ruak an ngah sal lo. a hmin cu ရဲသူရ a si. Ralhrang pawl in a inn lam thu hla an rak sim. March ni 25 ah a ruak um lo in an vui ding. Mi huaisen pa hi ralram ihsin a ra kir le nupi nei dingin kap hnih nu le pa in khua an khang” tiah tualsung thuthang hram pawl in an sim thu theih a si.
SAC ralhrang pawl cu ralhmai ih do theitu an naa zet ruangah van ralkap, ti ralkap le zung hnatuan pawl tiang ralhmai ah thlah in ral do an um thu, zung sung ih senthum cazi pawl tiang ralkap pawl khal ralhmai an feh ter thu theih a si.
