Magui ramthen, Saw peng, စံ khaw kiangah SAC ralhrang pawl le mipi ralkap (PDF) pawl karlak nasa tak in an do aw tiah Saw tualsung mipakhat in a sim.
March ni 30 zaanlam nazi 3 hrawngah doawknak a suak ih SAC ralhrang lam in vanzam thawn vei 4 a hel kual hnu vei 3 bomb a thak tiah an sim. “SAC ralhrang lam in thi le hlo an tam ruangah Vanzam thawn a ra kah bawm thu, PDF pawl cu him dam ten dung an sip” tiah tualsung mipawl in an sim.
March ni 30 zaanlam nazi 7 hrawngah SAC ralhrang pawl cun San khaw kiangih raltlan camp pakaht cu meisa an ur sak tiah an sim. Cui raltlan hmun cu Chin ramkulh ihsin himnak hawl ih a beu tupawl an tlannak hmun a si. SAC ralhrang pawl cu hi hmun pawl ah hmun hnih ah then aw in ramri an nor ruangah khawsung mipawl cu ral an tlan theh.
