Kayin ramkulh, ကြာအင်းဆိပ်ကြီး pengah PDF tangrual mipi ralkap pawl le SAC ralhrang ni 5 sungah doawknak vei hnih a suah thu March ni 23 ah နဂါးနီ ralkap pawl in thu an suah.
Hi doawknakk sungah နဂါးနီ special Operation Force S.O.F, KNLA pawl tangkhawm ih an do mi a si ih doawkank vei hnih sungah SAC ralhrang lam in, ralhrang minung 10 thi in, minung 19 hriam an ngah. PDF lam ihsin minung 11 in hram hma fate an ngah thu theih a si.
March ni 16 ah ကြာအင်းဆိပ်ကြီး peng, ကွီးလုံးတိုင် khaw thar kiangih ramri nortu SAC ralhrang ခမရ 561 le ခမရ 432 ih ralhrang thazang minung 80 hrawng cu PDF tangrual ralkap pawl in rak kham in nazi 2 sung doawknak ah SAC ralhrang lam in minung 6 thi in, minung 9 in hriam an ngah thu an thu suah mi sungin theih a si.
Hi SAC ralhrang ramri nortu pawl cu March ni 19 in ကွီလုံးတိုင် khawsungah an lut ih inn 2 an nawk kang. Fangcang dip 20 khal hramhram ih an lak thu, ထီးသဘျူးဖိုးခီး khua khal in, Suidawr 3 in million 3 man thilri an lak thu theih a si.
March ni 21 khal ah PDF tangrual ralkap pawl le SAC ralhrang pawl karlak doawknak a suak ih, ralhrang pawl raldonak Jet vanzam pahnih, Mi 35 Helicopter in a ra kah bawm thu theih a si.
SAC ralhrang pawl in vanzam thawn an kah bawmawknak ruangah Sakhua inn then khat a siat. Hi doawknak ihsin MA-1 meithal pakhat le MA-2 meithal pakhat an lak ngah thu နဂါးနီ ralkap pawl in thu an suah.
